पाँच दलीय गठबन्धनका नेता र मन्त्रीलाई महागढी माई मन्दिरमा प्रवेश निषेध

समाचार

गृहपृष्ठ
समाचार
पाँच दलीय गठबन्धनका नेता र मन्त्रीलाई महागढी माई मन्दिरमा प्रवेश निषेध

पाँच दलीय गठबन्धनका नेता र मन्त्रीलाई महागढी माई मन्दिरमा प्रवेश निषेध

बुधबार, वैशाख २०, २०८० ज्योति दैनिक

वीरगञ्ज । बारा जिल्लास्थित महागढीमाई मन्दिरमा पाँच दलीय गठबन्धनका नेता र मन्त्रीहरुलाई प्रवेशमा निषेध गरिएको छ ।

महागढीमाई नगरपालिकामा पर्ने मन्दिरमा पाँच दलीय गठबन्धनका नेता र मन्त्रीहरुलाई प्रवेशमा निषेध गरिएको त्यहाँका मेयर उपेन्द्र यादवले बताएका छन् । यादवले मन्दिरसँगै नगरपालिका क्षेत्रमा पनि प्रवेश गर्नबाट उनीहरुलाई निषेधित गरिएको बताएका हुन् ।

सामाजिक सञ्जाल फेसबूकमा एउटा पोष्ट लेख्दै मेयर यादवले बारा निर्वाचन क्षेत्र नम्बर २ मा पर्ने महागढीमाई नगरपालिअन्तर्गत श्री गढीमाई मन्दिरको प्रांगणमा तथा यस नगरपालिका क्षेत्र भित्र पाँच दलिय गठबन्धनका नेतागण तथा मन्त्रीहरुको प्रवेशमा निषेध गरिएको लेखेका छन् ।

उनले लेखेका छन्, ‘बारा जिल्ला क्षेत्र नम्बर २ मा महागढीमाई नगरपालिकाअन्तर्गत श्री गढीमाई मन्दिरको प्रांगणमा तथा यस नगरपालिका क्षेत्र भित्र पाँच दलिय गठबन्धनका नेतागण तथा मन्त्रीज्युहरूको प्रवेश निषेधित गरिएको कुरा सबैमा जानकारि गराउन चाहन्छु । धन्यवाद ।’

भर्खरै सम्पन्न उपनिर्वाचनमा बारा-२ बाट जनता समाजवादी पार्टी नेपाल (जसपा) का अध्यक्ष उपेन्द्र यादव विजयी भएका छन् । पाँच दलीय गठबन्धनबाट उम्मेदवार बनेका जसपा अध्यक्ष उपेन्द्र यादवलाई जिताउन मेयर उपेन्द्र यादव जोरसोरले लागेका थिए ।

प्रकाशित मिति: बुधबार, वैशाख २०, २०८० १४:१०