भुटानी शरणार्थीको आवरणमा ठगी प्रकरण नेपाल सरकारका सचिव पाण्डे पक्राउ

समाचार

गृहपृष्ठ
समाचार
भुटानी शरणार्थीको आवरणमा ठगी प्रकरण नेपाल सरकारका सचिव पाण्डे पक्राउ

भुटानी शरणार्थीको आवरणमा ठगी प्रकरण नेपाल सरकारका सचिव पाण्डे पक्राउ

बुधबार, वैशाख २०, २०८० ज्योति दैनिक

भुटानी शरणार्थीको आवरणमा भएको ठगी घटनामा सचिव टेकनारायण पाण्डे पक्राउ परेका छन्। उपराष्ट्रपति कार्यालयमा कार्यरत उनलाई जिल्ला प्रहरी परिसर, काठमाडौंले बुधबार नियन्त्रणमा लिएको हो।

आफूमाथि पक्राउ पुर्जी जारी भएको थाहा पाएपछि उनी आफैँ प्रहरी कार्यालयमा उपस्थित भएको प्रहरी स्रोतले जनाएकाे छ। गृह मन्त्रालयको सचिवको रूपमा कार्यरत रहँदा उनले ठगी गिरोहलाई सघाएको पुष्टि भएपछि प्रहरीले पक्राउ गरेको हो।

गृह मन्त्रालयकै आडमा एक गिरोहले भुटानी शरणार्थीको परिचयपत्र बनाएर अमेरिका लैजाने भन्दै करिब नौ सयजनालाई ठगी गरेको थियो। जसमा तत्कालीन गृहमन्त्री रामबहादुर थापा बादलका सुरक्षा सल्लाहकार रहेका डा. इन्द्रजित राईसहित ६ जना यसअघि पक्राउ परिसकेका छन्।

प्रकाशित मिति: बुधबार, वैशाख २०, २०८० १४:१७