अभिनेत्री कीर्ति सुरेशले गरिन् प्रेमी थिटिलसँग बिहे

मनोरञ्जन

गृहपृष्ठ
मनोरञ्जन
अभिनेत्री कीर्ति सुरेशले गरिन् प्रेमी थिटिलसँग बिहे

अभिनेत्री कीर्ति सुरेशले गरिन् प्रेमी थिटिलसँग बिहे

शुक्रबार, मंसिर २८, २०८१ ज्योति दैनिक

साउथ अभिनेत्री कीर्ति सुरेशले प्रेमी एन्टोनी थिटिलसँग विवाह गरेकी छन् ।

दुबैले बिहीबार गोवामा तमिल रितीरिवाज अनुसार विवाह गरेका हुन् । मिडिया रिपोर्टअनुसार यो जोडी विगत १५ वर्षदेखि एकअर्कालाई डेट गर्दै थिए ।

कीर्तिले आफ्नो विवाहको तस्वीर सामाजिक सञ्जालमा सेयर गरेकी छिन्, जसमा दुलही कीर्ति निकै सुन्दर देखिएकी छिन् ।

इटाइम्सरिपोर्ट अनुसार थाटिल एक व्यापारी हुन्, जो दुबई र कोची, केरलामा काम गर्दछन् । उनको गृहनगरमा धेरै रिसोर्टहरू पनि छन् । यति मात्र होइन, कीर्तिको गृहनगरमा धेरै व्यवसाय पनि छन् ।

कीर्ति सुरेशले सन् २००० मा बाल कलाकारका रूपमा आफ्नो अभिनय करियर सुरु गरेकी थिइन् । त्यसपछि सन् २०१३ मा उनले मलयालम फिल्म गीताञ्जली बाट मुख्य अभिनेत्रीको रूपमा डेब्यू गरिन् । यस फिल्मका लागि उनले सिमा अवार्डमा बेस्ट डेब्यू अवार्ड पनि प्राप्त गरेकी थिइन् ।

प्रकाशित मिति: शुक्रबार, मंसिर २८, २०८१ १२:१९