काठमाडौँ । सांसद ज्वाला साहले डिजिटल युगमा सफ्टवेयर एआइ र नवीन प्रविधिको प्रयोगलाई समेट्न औद्योगिक सम्पत्ति सम्बन्धी विधेयक उचित भएको बताएकी छन् । उनले प्रतिनिधिसभा बैठकमा उक्त विधेयकमाथि भएको छलफलमा बोल्दै यस्तो बताएकी हुन् ।
‘डिजिटल युगमा सफ्टवेयर एआइ र नवीन प्रविधिको प्रयोगलाई समेट्न यो विधेयक उचित हुन्छ । विधेयक पारित हुँदा जोखिम र कानुनी बाधामा संवेदनशील हुन जरुरी छ,’ उनले भनिन्, ‘यो विधेयकको सैद्धान्तिक मर्मलाई ध्यान दिनुपर्छ ।’
यो विधेयकले रोजगारी सिर्जना गर्ने सुरक्षित लगानी गर्ने अपेक्षा लिएको उनको भनाइ छ । ‘कर्पोरेट कम्पनी र साना उद्यमीबिचको सन्तुलन कसरी कायम गर्न सकिन्छ ? मेरो यो प्रश्न छ । त्यसैगरी विदेशी फमको दबाबमा स्थानीय परम्परागत ज्ञान र सम्पत्ति कसरी सुरक्षित हुन्छ ?’
