सेवा गर्न आएको हुँः नवनियुक्त मुख्यमन्त्री सोनार

समाचार

गृहपृष्ठ
समाचार
सेवा गर्न आएको हुँः नवनियुक्त मुख्यमन्त्री सोनार

सेवा गर्न आएको हुँः नवनियुक्त मुख्यमन्त्री सोनार

बिहीबार, असोज ३०, २०८२ ज्योति दैनिक

जनकपुरधाम । मधेश प्रदेशका नवनियुक्त मुख्यमन्त्री जितेन्द्रप्रसाद सोनार (सोनल)ले अधिकारको संरक्षण गर्दै समृद्धि र विकासतर्फ प्रदेशलाई अगाडि बढाउने प्रतिबद्धता जनाउनुभएको छ।

बिहीबार पत्रकारसँग कुरा गर्दै मुख्यमन्त्री सोनारले छ दलीय गठबन्धनमा सहभागी सबै दल र नेताप्रति आभार व्यक्त गर्नुभयो ।

उहाँले सानो आकारको मन्त्रिपरिषद् गठन गर्ने तयारी भइरहेको बताउँदै हालको विषम परिस्थितिमा जनताको मुद्दा जनस्तरसम्म पुगोस् भन्ने उद्देश्यका साथ सरकार सञ्चालन गर्ने बताउनुभयो ।

“मुख्यमन्त्रीको पदमा सेवा गर्न आएको हुँ, इन्जोइ गर्न आएको होइन,” सोनारले भन्नुभयो, “अधिकारको कुरा संरक्षण र संस्थागत गर्दै सुशासन कायम गर्ने तथा समृद्धि र विकासको दिशामा अघि बढ्ने मेरो प्राथमिकता हुने छ ।”

उहाँले सङ्घीय लोकतान्त्रिक गणतन्त्रको रक्षा गर्दै सहिदको सपना साकार पार्ने प्रतिबद्धता जनाउनुभयो । सोनारले मधेश प्रदेशलाई विकास र समृद्धिको बाटोमा डोर्‍याउने चुनौती स्वीकार गरेर सरकार अघि बढ्ने बताउनुभयो ।

प्रकाशित मिति: बिहीबार, असोज ३०, २०८२ १८:३४