वीरगन्ज । छठ पर्वको अवसरमा वीरगन्ज महानगरपालिका–१० स्थित घडीअर्वा पोखरी छठघाट परिसरमा शुक्रबार आयोजित रक्तदान कार्यक्रममा ४ महिलासहित ४७ जनाले रक्तदान गरेका छन् ।
घडीअर्वा छठ पूजा व्यवस्थापन समितिको समन्वयमा घडीअर्वा स्पोर्ट्स क्लबले आयोजना गरेको रक्तदान कार्यक्रममा ४७ जनाले रक्तदान गरेका हुन् ।
रक्तसञ्चार केन्द्र वीरगन्जका प्राविधिक प्रमुख सौरभराज पाण्डेका अनुसार रक्तदान गर्नेहरूमा क्लबका अध्यक्ष सन्तोष साह, घडीअर्वा छठ पूजा व्यवस्थापन समितिका पूर्वसचिव लखनलाल गुप्ता, सुजिता आचार्य, आयुष्मा आचार्य, खुशी श्रेष्ठ, वीरेन्द्र कुमार, विकास गुप्ता, अमृत गुप्ता, उमाशंकर साह, छोटु रौनियार, ओमप्रकाश गुप्ता, जितेन्द्र सिंह, निखिल वर्णवाल र सन्नी गुप्ता लगायत रहेका छन् ।
क्लबका अध्यक्ष सन्तोष साह कानुले छठ पर्वको अवसरमा क्लबले विगत २४ वर्षदेखि निरन्तर रक्तदान कार्यक्रम आयोजना गर्दै आएको बताए । उनले आगामी वर्षहरूमा पनि कार्यक्रमलाई निरन्तरता दिने जानकारी दिए । धार्मिक अवसरलाई सामाजिक सेवासँग जोड्ने उद्देश्यले रक्तदान कार्यक्रम आयोजना गर्दै आएको उनको भनाइ थियो ।
क्लबका अध्यक्ष सन्तोष साह कानुको अध्यक्षता तथा पर्सा क्षेत्र नम्बर–२ का सांसद सुशील साह कानुको प्रमुख आतिथ्यतामा आयोजित कार्यक्रममा घडीअर्वा छठ पूजा व्यवस्थापन समितिका अध्यक्ष राकेश साह कानु, क्लबका उपाध्यक्ष मनोहर साहलगायतको उपस्थिति रहेको थियो ।
