भारतबाट ग्यासको मूल्य प्रतिसिलिण्डर ३३९ रुपैयाँ बढेर आयो

समाचार

गृहपृष्ठ
समाचार
भारतबाट ग्यासको मूल्य प्रतिसिलिण्डर ३३९ रुपैयाँ बढेर आयो

भारतबाट ग्यासको मूल्य प्रतिसिलिण्डर ३३९ रुपैयाँ बढेर आयो

बुधबार, फागुन १७, २०७९ ज्योति दैनिक

पेट्रोल र डिजेलको मूल्य सामान्य घटेर आयो

भारतबाट खाना पकाउने एलपी ग्यासको मूल्य प्रतिसिलिण्डर ३३९ रुपैयाँले बढेर आएको छ । भारतीय आयल कर्पोरेसन (आईओसी)ले निगमलाई १५–१५ दिनमा मूल्य सूची पठाउने प्रावधान अनुरुप नयाँ सूची पठाएको हो । जसअनुसार ग्यासको मूल्यमा उच्च वृद्धि भएर आएको निगमले जनाएको छ । योसहित ग्यासमा प्रतिसिलिण्डर ६३५ रुपैयाँ नोक्सान रहने निगमले जनाएको छ ।

नेपालमा ग्यासको मूल्य नबढाउने हो भने हालको खपतअनुसार १५ दिनमा ९३ करोड रुपैयाँ ग्यासमा मात्रै नोक्सानी हुने निगमले जनाएको छ । भारतबाट ग्यासको मूल्य बढेर आए पनि डिजेल र पेट्रोलको मूल्य भने सामान्य घटेर आएको छ । निगमका अनुसार डिजेल प्रतिलिटर ५ रुपैयाँ ५ पैसा तथा पेट्रोल प्रतिलिटर १ रुपैयाँ २१ पैसा घटेर आएको छ ।

प्रकाशित मिति: बुधबार, फागुन १७, २०७९ १७:३८