पाकिस्तानको प्रदर्शन नियन्त्रण गर्न सेना परिचालन हुने

अन्तर्राष्ट्रिय

गृहपृष्ठ
अन्तर्राष्ट्रिय
पाकिस्तानको प्रदर्शन नियन्त्रण गर्न सेना परिचालन हुने

पाकिस्तानको प्रदर्शन नियन्त्रण गर्न सेना परिचालन हुने

बिहीबार, वैशाख २८, २०८० ज्योति दैनिक न्यूज

काठमाडौँ । पाकिस्तानी पूर्व प्रधानमन्त्री इमरान खानलाई मङ्गलवार पक्राउ गरेपछि बढेको प्रदर्शनहरूलाई नियन्त्रण गर्न पाकिस्तानले सेना परिचालन गर्ने भएको छ।

पाकिस्तान सरकारले बुधवार सेना परिचालनको लागि आग्रह गरेको पाकिस्तानी र अन्तर्राष्ट्रिय मिडियाहरूले उल्लेख गरेका छन् ।

सन २०१८ देखि २०२२ सम्म प्रधानमन्त्री भएका इमरान खानलाई राजकीय उपहार बिक्री गरेको आरोप लागेको छ। उनी कम्तीमा १० दिन थुनामा रहने उनका कानुन व्यवसायीले मिडियालाई बताएका छन् ।

७० वर्षका खान गत वर्ष संसदबाट विश्वासको मत नपाएर अपदस्त भएका थिए। सदन विघटन गरेका खानलाई पाकिस्तानी अदालतले अपदस्त गरेको थियो ।

मङ्गलवारको पक्राउपछि पाकिस्तानको पन्जाब प्रान्तमा प्रदर्शनहरू तीव्र भएको छ। पन्जाब खानको गृह प्रान्त हो।

खानको पाकिस्तान तरेक इ इन्साब (पीटीआइ)का उपाध्यक्ष फावद चौधरीलाई बुधवार इस्लामावादबाट पक्राउ गरेको छ। खान पनि इस्लामावादमै थुनामा छन् ।

प्रकाशित मिति: बिहीबार, वैशाख २८, २०८० १०:१८