जीतपुरसिमरा उपमहानगरपालिकाको सामुदायिक विद्यालयलाई खर्च विवरण बुझाउन निर्देशन

समाचार

गृहपृष्ठ
समाचार
जीतपुरसिमरा उपमहानगरपालिकाको सामुदायिक विद्यालयलाई खर्च विवरण बुझाउन निर्देशन

जीतपुरसिमरा उपमहानगरपालिकाको सामुदायिक विद्यालयलाई खर्च विवरण बुझाउन निर्देशन

सोमबार, भदौ २, २०८२ ज्योति दैनिक

बारा । जीतपुरसिमरा उपमहानगरपालिकाले सामुदायिक विद्यालयलाई खर्च विवरण बुझाउन निर्देशन दिएको छ ।

स्थायी सामुदायिक विद्यालयहरूले आर्थिक वर्ष २०८१/८२ मा प्राप्त सहयोग तथा विभिन्न शीर्षकमा गरिएको खर्चको कागजात अनिवार्य रूपमा बुझाउन उपमहानगरपालिकाले आग्रह गरेको हो ।

पालिकाका अनुसार पाठ्यपुस्तक, पुस्तकालय, पोषिलो खाना, विज्ञान प्रयोगशाला, बाल विकास केन्द्र, लेखा तथा सामाजिक परीक्षण, अतिरिक्त क्रियाकलाप, बिजुली, इन्टरनेट, डिजिटल सिकाइ सामग्री र परीक्षा केन्द्र व्यवस्थापनजस्ता शीर्षकमा भएको खर्च विवरण अझै नबुझाइएको छ ।

उपमहानगरपालिकाले भदौ १० गतेभित्र प्रतिवेदन बुझाउन समय तोकेको छ । ढिलाइ भएमा लेखा परीक्षणमा समस्या आउने र आवश्यक परे प्रधानाध्यापकको तलबबाटै रकम कट्टा गरी फछ्र्योट गर्ने चेतावनीसमेत दिइएको छ ।

उपसचिव शिवजी प्रसादको हस्ताक्षर सहित विद्यालयहरूलाई पठाइएको पत्रमा प्रतिवेदन बुझाउन अटेर गर्ने संस्थामाथि कडाइका साथ कारबाही गरिने उल्लेख गरिएको छ ।

प्रकाशित मिति: सोमबार, भदौ २, २०८२ ०८:२५