आज चैते दसैँको घटस्थापना, विधिपूर्वक नवदुर्गा देवीको पूजाआराधना गरिँदै

धर्म , संस्कृति

गृहपृष्ठ
धर्म , संस्कृति
आज चैते दसैँको घटस्थापना, विधिपूर्वक नवदुर्गा देवीको पूजाआराधना गरिँदै

आज चैते दसैँको घटस्थापना, विधिपूर्वक नवदुर्गा देवीको पूजाआराधना गरिँदै

बिहीबार, चैत ५, २०८२ ज्योति दैनिक

वीरगन्ज । चैत्र शुक्ल प्रतिपदाका अवसरमा आजदेखि चैत्र दसैँको नवरात्र सुरु गरिँदै छ । चैत्र नवरात्रका अवसरमा आज हनुमानढोका दरबारमा घटस्थापना गरी विधिपूर्वक नवदुर्गा देवीको पूजाआराधना गरिँदैछ ।

चैत्र नवरात्रको घटस्थापनाका लागि आज बिहान ७ः५१ बजेको साइत उत्तम रहेको नेपाल पञ्चाङ्ग निर्णायक विकास समितिका कार्यकारी निर्देशक लक्ष्मण पन्थीले जानकारी दिए । आज उत्तर फर्केर घटस्थापना गर्नुपर्ने साइत दिइएको पनि उनले बताए ।

यस अवसरमा देशभरका देवी मन्दिर एवं शक्तिपीठमा पनि पूजाआराधना एवं उपासनाका लागि भक्तजनको लाम लाग्ने गर्छ । शास्त्रीय नियमअनुसार वर्षमा चारवटा नवरात्र पर्ने गरेका छन् । आषाढ शुक्ल पक्ष, आश्विन शुक्ल पक्ष, पौष शुक्ल पक्ष र माघ शुक्ल पक्ष गरी वर्षमा चार नवरात्र मनाउने गरिएको हो । नेपाली परम्परामा आषाढ र पौष शुक्ल पक्षको नवरात्रलाई लुप्त नवरात्र पनि भनिन्छ ।

प्रकाशित मिति: बिहीबार, चैत ५, २०८२ १०:३३