गढीमाई नगरपालिकाका नगर प्रमुख यादवद्वारा शीत भण्डार भवनको शिलान्यास।

स्थानिय

गृहपृष्ठ
स्थानिय
गढीमाई नगरपालिकाका नगर प्रमुख यादवद्वारा शीत भण्डार भवनको शिलान्यास।

गढीमाई नगरपालिकाका नगर प्रमुख यादवद्वारा शीत भण्डार भवनको शिलान्यास।

शुक्रबार, पुस १, २०७९ ज्योति दैनिक

रौतहट । रौतहट स्थित गढीमाई नगरपालिकामा रहेको समनपुरमा ७ करोड ९२ लाख लागतमा बन्ने कोल्ड स्टोर ( शीत भण्डार) भवनको शिलान्यास भएको छ । बिहिवार गढीमाई नगरपालिकाको नगर प्रमुख श्याम प्रसाद यादवले सो भण्डार भवनको एक समारोहबीच शिलान्यास गरेका हुन् ।

शीत भण्डार निर्माण भएसँगै किसानलाई प्रत्यक्ष लाभ पुग्ने नगर प्रमुख श्याम यादवले जनाए । कोल्ड स्टोरको अभावमा गढीमाई नगरपालिकाका कृषकहरूलाई पर्दै आएको मर्कालाई ध्यानमा राखेर कोल्ड स्टोर निर्माण कार्य अघि बढाइएको नगर प्रमुख यादवले बताएका छन् ।

सिलान्यास कार्यक्रममा गढीमाई नगरपालिकाको प्रमुख प्रशासकीय अधिकृत नागेन्द्र यादव, लेखा अधिकृत कामेश्वर सहनी, वडा नम्बर १ का वडाध्यक्ष रामपुकार यादव लगायतका जनप्रतिनिधिहरू स्थानीयहरुको उपस्थितिमा शिलान्यास कार्यक्रम सम्पन्न भएको स्थानीय राजु सहनीले बताएका छन्।

प्रकाशित मिति: शुक्रबार, पुस १, २०७९ ०५:५२