एमाले पर्सा को आठौ जिल्ला अधिवेशनको बन्द सत्र अनिश्चित समयको लागि स्थगित

राजनीति

गृहपृष्ठ
राजनीति
एमाले पर्सा को आठौ जिल्ला अधिवेशनको बन्द सत्र अनिश्चित समयको लागि स्थगित

एमाले पर्सा को आठौ जिल्ला अधिवेशनको बन्द सत्र अनिश्चित समयको लागि स्थगित

बुधबार, पुस २८, २०७८ ज्योति दैनिक

बीरगन्ज ।नेकपा एमाले पर्साको आठौ जिल्ला अधिवेशनको बन्द सत्र अनिश्चित समयको लागि स्थगित भएको छ ।

हिजो मंगलबार साँझ सुरु भएको बन्दसत्रमा अध्यक्ष प्रभु हजराले प्रस्तुत गर्नु भएको राजनैतिक प्रतिवेदन , सचिव मनोज गुप्ताले प्रस्तुत गर्नु भएको सांगठनिक प्रतिवेदन र सन्तोष पासवानले प्रस्तुत गर्नु भएको आर्थिक प्रतिवेदन संशोधन सहित पारीत भएको थियो।

अध्यक्ष मण्डलका अध्यक्ष प्रभु हजराले सहमतिको आधार मा सर्वसम्मतिले पदाधिकारी र सदस्य चयन गर्न अधिकार अध्यक्ष मण्डललाई दिन प्रतिनिधिहरु बिच प्रस्ताव राख्नु भएको थियो । अधिकाशं सहभागीहरुले अध्यक्ष मण्डललाई अधिकार नदिने आन्तरिक निर्वाचनबाट पदाधिकारी र सदस्यहरु चयन गर्नु पर्ने भन्दै अध्यक्ष मण्डलको प्रस्तावको बिरोध गरेका थिए । नेतृत्व चयनको प्रक्रियामा सहमति नभए पछि बन्द सत्र स्थगित भएको छ । अध्यक्ष मण्डलले सर्वसम्मतिले सहमति गर्ने नभए निर्वाचन प्रक्रियामा जाने अध्यक्ष मण्डलको तयारी गरी रहेको बुझिएको छ ।

जिल्ला भरीबाट ७८५ प्रतिनिधि सहभागिता रहेको छ । बन्द सत्र मा प्रदेश इन्चार्ज रघुवीर महासेठ र सह इन्चार्ज सुमन फ्याकुरेलको उपस्थिति रहेको थियो ।मंगलबार महासचिव शंकर पोखरेलले उदधाटन गर्नु भएको थियो ।

प्रकाशित मिति: बुधबार, पुस २८, २०७८ १९:४०