पटेर्वासुगौलीको बेलवामा एमालेको कार्यकर्ता भेला सम्पन्न।

राजनीति

गृहपृष्ठ
राजनीति
पटेर्वासुगौलीको बेलवामा एमालेको कार्यकर्ता भेला सम्पन्न।

पटेर्वासुगौलीको बेलवामा एमालेको कार्यकर्ता भेला सम्पन्न।

सोमबार, फागुन २३, २०७८ ज्योति दैनिक

पटेर्वा सुगौली । पटेर्वा सुगौली गाउँपालिकाको वडा नं २ बेलवामा नेकपा एमालेको कार्यकर्ता भेला सम्पन्न भएको छ । बैशाख ३० गते हुने स्थानीय तहको चुनाव केन्द्रीत छलफलको आयोजना गरिएको नेकपा एमालेका युवा नेता एवं पटेर्वा सुगौली गाउँपालिकाका अध्यक्ष हरि नारायण चौधरीले जानकारी दिनु भयो ।
पटेर्वा सुगौली गाउँपालिकाको बिकासमा गाउँपालिकाले गरेको कामको समिक्षा गर्दै अवको चुनावमा सम्पूर्ण रुपमा नेकपा एमालले लाई बिजयी गराउन कार्यकर्ताले भेलामा संकल्प गरेको नेकपा एमालेका पालिका अध्यक्ष एवं वडा नं २ का नेता भरत बिश्वकर्माले बताउनु भयो ।

पालिकामा पूर्ण बहुमतको अभावमा कतिपय समस्यहरु आएको कुरालाई मनन गर्दै आउने चुनावमा नेकपा एमाललेलाई पूर्ण रुपमा जिताउन आवश्यक रहेको ठहर गर्दै सोही अनुरुप सिंगो पार्टी कमिटी परिचालन गर्ने छलफलले निष्कर्ष निकालेको एमाले नेतृ मन्तुरा चौधरीले बताउनु भयो ।
कार्यक्रममा पटेर्वा सुगौली गाउँपालिकालाई नमुना पालिकाको रुपमा प्रस्तुत गर्नकालागि हरिनारयण चौधरीको नेतृत्वमा गरिएको प्रयत्नलाई आम जनताको वीचमा पुर्याउने भेलाले निष्कर्ष निकालेको छ ।
भेलामा कार्यकर्ताले आफना सुझाव र जिज्ञासाहरु राखेका थिए । कार्यक्रममा एमालेका नेता रामकुमार नेपाल लगायतका अगुवाहरुको सहभागिता रहेको थियो ।

प्रकाशित मिति: सोमबार, फागुन २३, २०७८ ०६:१५