नेकपा एमालेको सचिवालय बैठक बस्दै

राजनीति

गृहपृष्ठ
राजनीति
नेकपा एमालेको सचिवालय बैठक बस्दै

नेकपा एमालेको सचिवालय बैठक बस्दै

आइतबार, कात्तिक ४, २०८१ ज्योति दैनिक

काठमाडौं ,४ कात्तिक। नेकपा एमालेको सचिवालय बैठक आज बस्दै छ ।

अपराह्न ५ बजे पार्टी केन्द्रीय कार्यालय च्यासलमा सचिवालय बैठक बस्ने तय भएको एमाले अध्यक्ष एवम् प्रधानमन्त्री केपी शर्मा ओलीको सचिवालयले जनाएको छ ।

बैठकमा पछिल्लो राजनीतिक परिस्थिति, स्थानीय तहको उपनिर्वाचन लगायतका समसामयिक विषयमा छलफल हुने बताइएको छ ।

स्थानीय तहको उपनिर्वाचनको कार्यक्रम आगामी २ मंसिरदेखि सुरु हुने र १६ मंसिरमा मतदाता हुने कार्यतालिका छ ।

यसअघि २४ असोजमा बसेको एमाले सचिवालय बैठकले स्थानीय तह उपचुनावका लागि सम्भावित उम्मेदवारको नामावली कात्तिक २२ गतेसम्म तल्ला कमिटीबाट आवश्यक निर्णय गरेर केन्द्रीय कार्यालयमा पठाउन भनेको थियो ।

साथै सोही दिनको बैठकले एमालेको केन्द्रीय कार्यालय कीर्तिपुरमा स्थापना गर्ने निर्णय गरेको थियो । भोलिपल्ट जग्गा दाता मिनबहादुर गुरुङ दम्पतीसहित एमाले अध्यक्ष एवम् प्रधानमन्त्री केपी शर्मा ओलीले भवन शिलान्यास गरेका थिए ।

पार्टी कार्यालय बनाउन व्यापारीबाट सहयोग लिनु गलत भएको आवाज एमाले नेताबाटै उठेको छ । यसबारे पनि आजको सचिवालय बैठकमा छलफल हुनसक्ने बताइएको छ ।

प्रकाशित मिति: आइतबार, कात्तिक ४, २०८१ ०८:२०